Guzaar Dee

Kal raat maine bina soy hi guzaar dee
Takiye ne raat barsaat mein guzaar dee

Chamakne ki chah to bahut thi phir bhi
Chand ne raat baadalon mein guzaar dee

Toofan se aagosh, talatum se khelte rahe
Saahil ki talaash main ek umra guzaar dee

Patjhad haal-e-jeevan ko bayaan karta hai
Basant ki umeed mein zindagi guzaar dee

Pareshan karti thi roz wo sapno mein aakar
Is liye raat Samit ne likhne mein guzaar dee

Kitna Mushkil Hai

Har koi chahta hai, ki zindagi uski aasan ho jaye,
Par uss chotu si chaahat ko purna karna, Kitna Mushikil Hai?

Har koi chahta hai, ki raah mein koi durghatna na ho,
Per traffic ke niyam ka paalan karna, Kitna Mushikil Hai?

Har koi chahta hai, ki desh hamara saaf sudhra rahe,
Per kachre ko kachre ki peti mein daalna, Kitna Mushikil Hai?

Har koi chahta hai, Ki khane-peene ki cheejo k daam na badhe,
Per ann-jal ka apavyay na karna, Kitna Mushikil Hai?

Har koi chahta hai, usko kisika intezaar na karna pade,
Per khud samay ka palan karna, Kitna Mushikil Hai?

Har koi chahte hai,  uske aaspaas ki hawa shudd ho,
Per peryavaran ko nuksan na pahuchana, Kitna Mushikil Hai?

Har koi chahta hai, ki zamana samajhdaar ho jaaye,
Per  'SAMIT' khud main wo badlav laana, Kitna Mushikil Hai?

Zimmedaar kaun

Kuch paristhitiyan aaisi hoti hai jab bata paana,
Mushkil ho jaata hai ki, Zimmedaar kaun?

Maine rishwat dee, usne bhi rishwat lee,
Brashtachar ke liye bataiye, Zimmedaar kaun?

Maine gaali dee, usne ghusa maara,
Jhagde ke liye bataiye, Zimmedaar kaun?

Main gaadi tez chalayi, usne galat disha mein,
Akasmaat ke liye bataiye, Zimmedaar kaun?

Maine maaf kiya nahi, usne maafi mangi nahi,
Bigde rishte ke liye bataiye, Zimmedaar kaun?

Jab sab mein MAIN hun shaamil, phir bhu puchta,
Sab samasya ke liye bataiye, Zimmedaar kaun?

Kaafi hai

Jeene ke liye ek aas hi kaafi hai,
Tere labon ki meethi muskaan hi kaafi hai.

Pyar mein dastan likhne ki aadat nahi meri,
Kore kaagaz pe likha tera naam hi kaafi hai.

Sare jahan ko ghumne ka armaan nahi mera,
Meri ankhon mein cheepi teri tasveer hi kaafi hai.

Duniya ka saath milne ki arzoo nahi meri
Tere paas hone ka ek ehsaas hi kaafi hai.

Mujhe heero jawaharat ki koi khwahish nahi,
Mere liye nikla hua ek ashq hi kaafi hai.

Samit ko maarne ke liye teer-khanjar ki zaroorat nahi,
Tera ek baar munh mod lena hi kaafi hai.

Mera pyaar

Aaj ek baar phir mujhe teri yaad satayi
Barso purani khushboo mere sanson mein ayi

Socha ek baar phirse usse dosti kar loon
Aapas ki naarazgi thodi si main dur kar doon

Aaj wahi roop mein wo mere saamne aaye
Nazrein phirse uski khoobsurati mein ghum ho jaye

Muddate beet gaye uski ankhon mein khoye
Usko pyaar se seene se lagakar soye

Aaj ek baar phir mujhe teri yaad satayi
Almari se Samit ne ek pyaari si kitaab uthayi,

Chehre pe chehra

Chehre pe chehra laga lete hai log;
Asli kaunsa tha wahi bhul jaate hai log.

Badal jaate hai bol, badalte hai rishte;
Dekhte hi dekhte badal jaate hai log.

Chot aisi logon ne zamane se hai khai;
Apne ko bhi paraya lar jaate hai log.

Zabaan kuch kehti hai, harqat kuch aur;
Peeche se chura bhonk jaate hai log.

Mere desh mein hai fankaar bahut;
Har roz naye fareb kar jaate hai log.

Haal-e-dil khule hai Samit ke haq shaqs per;
Phir bhi be khabar hone ka dorr kar jaate hai log.

Phool to fool

Ajnabee ek chehra, ankhon ka hoor ho gaya;
Dekhte hi dekhte wo dil ka mehman ho gaya.

Uski madbhari aankhon mein ghum ho gaya;
Deedar-e-yaar se to main deewana ho gaya.

Mere pyaar ke izhar se uska ikraar ho gaya;
Aur dheere dheere mein uski jaan ho gaya.

Baat, baat se behs, behs se takraar ho gaya;
Hamare beech mein ek bada sa fasla ho gaya.

Wo juda ho gaya, mujhse khafa ho gaya;
Main uski nigaah mein gunehgaar ho gaya.

Pata hi nahi chala kab hum se mein ho gaya;
Wo hassen chehra phir se ajnabee ho gaya.

Hum Hum nahi

Hum hum nahi aur main main nahi;
Mere tabassum ki ab koi wajah nahi,

Tujh bin jeevan jaise ek darpan hai;
Swagat sabka hai, swikar ab kisika nahi,

Jinko hum kabhi apna samajte hai;
Aksar unhiko hum pehchante nahi,

Bahut kuch kehna chahte the unse;
Mile hamein kabhi koi alfaaz nahi.

Lagta the jeene ke liye ek Zindagi hai;
Pal bhar mein sochi to waqt nahi.

Ajabsi firaq main hai ye dil mera;
Chahta hai tum aavo, janta hai aaoge nahi.

Bacha Kuch nahi

Maa ki godd se king size bed tak,
Ghar ki deewar se aalishan hotel tak,
Phnch gaye; per phir bhi wo sukun nahi.

Baapke kandhe se badi gaadi tak,
Diaper se mehnge suit tak,
Phnch gaye, per phir bhi wo ameeri nahi.

Ansuon ki vaacha se shabdi ki vaani tak,
Pyari si kilkari se chilaane ki aaday tak,
Phnch gaye, per phir bhi koi sunne wala nahi,

Maa ki mamta se dosto ki yaari tak,
Pyari se muskaan se hansi thitholi tak,
Phnch gaye, per phir bhi wo khushi nahi,

Bachpan se uth kar jawani tak,
Usse aagey badhkar buddhape tak,
Phnch gaye, phir bhi bachpan sa ehsaas nahi.

Reh gaya

Jis din se tum humse dur hone lag gaye;
Hum hum na reh gaye.

Basaya tha maine bade pyar se, ek chota sa ghar;
Bas ek makan hoke reh gaye.

Bajti kaanon mein teri boli ki sargam;
Khamoshi ke aahat reh gaye.

Rakhe the dil main kitne armaan sajake;
Keval rakh hi rakh reh gaye.

Tum aaoge waapis aisi ek umeed se;
Samit waqt kaat te reh gaye.

Bhootkal Ka Darr

Bhootkal ke anubhav se, darr ke main baitha hun;
Aate jaate jar ek shaks per, ab shakk karne baitha hun.

Apni achai ka itna fayda utha logo ne ki ab;
Ache ke sath acha hota hai, uspe avishwas leke baitha hun.

Aisi thokar khayi hai, dil ke mashwaro pe amal karke;
Mujhepe apanapan jatanewalo pe hi, sandeh karke baitha hun,

Apne hi wyado se itni shiffat se mukar jaate hai log;
Kispe bharosa kare, kis pe na kare, yehi dubidha main baitha hun,

Mann iss kadar chnchal aur vichlit ho chukka hai;
Ab Samit apne aap per bhi shanka karke baitha hun,